Cofnodion - Y Pwyllgor Busnes

Lleoliad:

Swyddfa’r Llywydd, 4ydd llawr - Tŷ Hywel

Dyddiad: Dydd Mawrth, 18 Gorffennaf 2017

Amser: 08.30 - 08.56

Preifat

Yn bresennol

Categori	Enwau
Aelodau’r Pwyllgor:	Elin Jones AC (Cadeirydd) Jane Hutt AC Paul Davies AC Rhun ap Iorwerth AC Gareth Bennett AC
Staff y Pwyllgor:	Aled Elwyn Jones (Clerc)
Eraill yn bresennol	Manon Antoniazzi, Prif Weithredwr a Chlerc y Cynulliad Christopher Warner, Pennaeth Gwasanaeth y Pwyllgorau Polisi a Deddfwriaeth Siân Wilkins, Pennaeth Gwasanaeth y Siambr a Phwyllgorau Helen Carey, Llywodraeth Cymru Rhuanedd Richards, Cynghorwr Polisi i'r Llywydd

<AI1>

1 Cyflwyniad, ymddiheuriadau a dirprwyon

Cafwyd ymddiheuriadau gan y Dirprwy Lywydd.

</AI1>

<AI2>

2 Cofnodion y Cyfarfod Blaenorol

Cytunodd y Pwyllgor ar y cofnodion ar gyfer eu cyhoeddi.

</AI2>

<AI3>

3 Trefn Busnes

</AI3>

<AI4>

3.1 Busnes yr wythnos hon

Dydd Mawrth

· Dywedodd Jane Hutt wrth y Pwyllgor fod datganiad gan y Prif Weinidog (60 munud) wedi ei dynnu oddi ar agenda heddiw; ac y bydd y cynigion a ganlyn yn cael eu cynnwys yn ei le. Dywedodd y Llywydd wrth y Rheolwyr Busnes mai’r dyddiad cau ar gyfer cyflwyno gwelliannau yw 1pm heddiw.

- Cynnig i atal y Rheolau Sefydlog er mwyn medru cynnal dadl ar yr eitem nesaf (5 munud)

- Dadl: Bil yr Undeb Ewropeaidd (Ymadael) (60 munud)

· Dywedodd Jane Hutt wrth y Pwyllgor fod datganiad gan Ysgrifennydd y Cabinet dros yr Economi a Seilwaith: Datblygu Banc Cymru (45 munud) wedi’i ychwanegu at agenda heddiw.

· Byddai'r Cyfnod Pleidleisio yn cael ei gynnal ar ôl yr eitem olaf o fusnes. 

Dydd Mercher

· Cytunodd y Rheolwyr Busnes y byddai'r Cyfnod Pleidleisio yn cael ei gynnal cyn y Ddadl Fer.

</AI4>

<AI5>

3.2 Busnes y Llywodraeth ar gyfer y tair wythnos nesaf

Nododd y Pwyllgor Busnes amserlen busnes y Llywodraeth ar gyfer y tair wythnos nesaf.

</AI5>

<AI6>

3.3 Amserlen busnes y Cynulliad ar gyfer y tair wythnos nesaf

Penderfynodd y Pwyllgor Busnes ar drefn busnes y Cynulliad a chytunodd i gynnwys yr eitemau o fusnes a ganlyn ar yr amserlen:

Dydd Mercher 4 Hydref 2016 -

· Dadl gan Aelodau Unigol o dan Reol Sefydlog 11.21(iv) (60 munud)

· Amser a neilltuwyd i Blaid Cymru (60 munud)

· Amser a neilltuwyd i Blaid Annibyniaeth y Deyrnas Unedig (60 munud)

</AI6>

<AI7>

4 Pwyllgorau

</AI7>

<AI8>

4.1 Craffu ar Filiau’r Pwyllgor

Cytunodd y Rheolwyr Busnes i ystyried newid Rheol Sefydlog drafft a fyddai'n rhoi disgresiwn i’r Pwyllgor Busnes mewn perthynas â holl Filiau’r Pwyllgor i benderfynu a fyddai’n briodol cyfeirio Bil at bwyllgor ar gyfer Cyfnod 1 ai peidio.  Bydd yr Ysgrifenyddiaeth yn cyflwyno Rheolau Sefydlog drafft ym mis Medi, gan ei gwneud yn bosibl rhoi’r cynigion gerbron y Cynulliad cyn cyflwyno'r Bil Ombwdsmon Gwasanaethau Cyhoeddus Cymru, a ddisgwylir ym mis Hydref.

</AI8>

<AI9>

5 Y Pwyllgor Busnes

</AI9>

<AI10>

5.1 Hynt y gwaith o Adolygu’r Rheolau Sefydlog

Nododd y Rheolwyr Busnes y papur a gofynnodd am bapur cwmpasu ar gynnal adolygiad ehangach o’r Rheolau Sefydlog yn yr hydref, o bosibl.

</AI10>

<AI11>

5.2 Brexit - Crynodeb o'r materion ar gyfer Pwyllgor Busnes

· Nododd y Rheolwyr Busnes y papur. Dywedodd Arweinydd y Tŷ y byddai'r Llywodraeth yn cyflwyno’r Memorandwm Cydsyniad Deddfwriaethol ar Fil yr Undeb Ewropeaidd (Ymadael) yn ystod toriad yr haf, ac y byddai ystyriaeth bellach yn cael ei rhoi i system rhybudd cynnar ar gyfer offerynnau statudol. 

· Cytunodd y Rheolwyr Busnes mewn egwyddor i gyfeirio'r Cynnig Cydsyniad Deddfwriaethol at y Pwyllgor Materion allanol a Deddfwriaeth Ychwanegol a’r Pwyllgor Materion Cyfansoddiadol a Deddfwriaethol, ac y bydd pob pwyllgor yn cael gwybod am y Cynnig rhag ofn y byddent am ei drafod.

</AI11>

<AI12>

Unrhyw fater arall

Memorandwm Cydsyniad Deddfwriaethol ar y Bil Arweiniad a Hawliadau Ariannol

Yn dilyn y cyfarfod yr wythnos diwethaf pan gytunodd y Rheolwyr Busnes i gyfeirio’r Memorandwm ar y Bil Canllawiau a Hawliadau Ariannol at y Pwyllgor Plant, Pobl Ifanc ac Addysg, cytunodd y Rheolwyr Busnes hefyd i’w gyfeirio hefyd at y Pwyllgor Cydraddoldeb, Llywodraeth Leol a Chymunedau,  gyda'r un dyddiad cau ar gyfer cyflwyno adroddiad.

</AI12>

<TRAILER_SECTION>

</TRAILER_SECTION>

<LAYOUT_SECTION>

1.FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2.FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2FIELD_TITLE

</TITLE_ONLY_SUBNUMBER_LAYOUT_SECTION>